Triestinità
catena
 

La cadena triestina (A.D. 2004)

ATTENZION!!! QUESTA NO XE UNA SEMPLICE CADENA DE SANT'ANTONIO, XE LA CADENA DE SANT'ANTONIO NOVO overo L'UNICA CADENA ORIGINALE TRIESTINA!!!

 
La cadena de Sant'Antonio Novo comincia con una rara e antica perla de saggezza triestina:
 
"Viva l'A. e po' bon,
xe questo el moto triestin,
che la vadi ben, che la vadi mal,
sempre alegri mai pasion,
viva l'A. e po' bon!"
 
Se te seguirà i detami de sta saggia canzon triestina te sarà sempre alegro!
 
Anche se tuto te va storto te sarà contento!
 
Anche se te sta in una città dove che comanda da ani un botegher che disi che la giunta sta lavorando a 380 gradi te sarà felice!
 
Anche se te vivi in un logo dove che l'età media dei abitanti xe la più alta del Mondo a cui va agiunto che i nostri veci xe anche molto più rompicojoni della media dei veci del resto del Mondo, per cui te abiti nela città che ga el numero più alto de rompicojoni al mondo!
 
Anche se te paghi l'ICI più alta de qualsiasi altra città!
 
Anche se el comun spendi un saco de bori per spostar i monumenti patriotici e per ciamar le adunate dei caramba e dell'esercito e inveze ghe taia i fondi ale coperative asistenziali (comprese quele che se ocupa dei veci!!!)
 
Alora, se te seguirà el bon e vecio consiglio del "Viva l'A. e po' bon" e se te se afiderà ogni tanto ale slutari proprietà terapeutiche del teran no te ghe farà caso a tute ste robe, la tristeza andarà via e ti te sarà sempre alegro e impiombà.
 
Questa antica perla de sageza triestina porta sai fortuna!
 
La ga za fato 8 volte el giro dei rioni, la Bavisela e la Barcolana, dopo la se ga roto i cojoni e la xe andada in osmiza.
 
Faghela conoser a tuti quei che te conossi, specie se i xe tristi o astemi.
 
Considerando che Trieste xe picia za al secondo girò de posta la gaverà ciapada tuti!
 
Manda solo l'antica perla de sageza triestina: no mandar soldi, perchè se te li metti nel drive dei CD-ROM se spaca el computer.
 
Se te lo fa te gaverà za un esempio de che sfiga che porta se no te fa come che disi la cadena de Sant'Antonio novo!
 
No tegnir sto mesagio per più de 96 ore, se no el va de mal e el comincia a spuzar de freschin.
 
Alcuni esempi de cossa xe nato a gente che ga ciapà sta cadena:
 
Ciano ga ricevù la letera, el ghe ga dito alla sua segretaria de far 20 copie, ma dopo el se ga dimenticà. La segretaria se ga ripresentà dopo un poco con le copie completamente nuda, ma lui nel fratempo iera za tornà a casa e la segretaria xe andada a trombar col socio de Ciano.
 
El socio de Ciano ga ricevù una fotocopia dela perla de sageza triestina dala segretaria de Ciano che ghe la ga portada compleamente nuda! Nol ga fato copie perchè el gaveva quele che ela gaveva za preparà per Ciano. Pensa ti che cul che porta far le copie dela cadena de Sant'Antonio novo!!!!
 
Fulvio ga ricevù la letera e ga vinto 9 milioni de marchi nel maggio del 2002. Però nol ga mandà avanti la cadena e sicome adesso xe i euri la vincita no val più un cazzo.
 
Caio, che fazeva el consulente finanziario per la Microsoft e per un paio de emiri del Kuwait, ga ricevù sta letera ma el se ga dimenticà de mandarla avanti e el ga perso el lavor.
Un per de giorni dopo el se ga ricordà dela perla de sageza triestina, el la ga mandada a tuti quei che el conoseva continuando la cadena e el ga de novo trovà lavor (come affossator a Sant'Ana).
 
Stelio, un autista del ACT, ga ciapà sta letera e ridendo el la ga butada in scovaze. Qualche giorno dopo suo fio se ga malà. Alora Stelio ga zercà la letera, el ga fato 20 copie e el le ga spedide. Qualche giorno dopo el ga savù che su fio iera guarì (NB: l'influenza de solito pasa presto)
 
La letera xe stada ricevuda anche de John, un giovane californian analfabeta che ga notà che la iera ilegibile. El se ga ripromeso de imparar a leger per capir cossa che iera scrito, e quando finalmente el ga imparà a leger, el ga visto che la iera piena de cazade e anche per quel che se legi sui giornai iera meio restar analfabeta.
 
Toio ga ricevù la letera e el ga trovà un babon galattico che gaveva due tete strepitose, iera cocola, trombava che iera un piazer, la iera disponibile a raporti anali, orali, sadomaso e de grupo (tute babe a parte Toio), la ghe cusiva, stirava e preparava el pranzo. Ma el se ga dimenticà de mandar copie ai amici e el ga scoperto che la iera furlana.
 
Illy ga ciapà la letera e el ga mandà avanti le copie e el xe diventà sindaco.
 
Dipiazza xe diventà sindaco perché el suo aversario ale elezini se ga dimenticà de mandar avanti le copie.
 
No se scherza con la Cadena de Sant'Antonio Novo!
 
E comunque, se te mandi avanti almeno 20 copie de stà cadena, al tuo pegior nemico ghe vegnerà scagarela cronica.